أنا يازماني في فؤادي ثلاث طعون

[بدر حيي]

انا يازماني في فوادي ثـلاث اطعـون****ولاهي بطعنه من سيوف اوسكاكينـي

من افتح ياسمسم والا يافلم ابو كرتون****امورن تغث اكبـود حتـى الوراعينـي

وجمهوري الغالي يسوق الشره ويمون****ونا قد شرهات العتـب مـن محبينـي

يقولون ماشاركت واقول هل توحـون****بي كل واحـد يفتـح اذنـه ويوحينـي

لابالله ماشاركت في شاعـر المليـون****لواني على المليون تومـي شرايينـي

ولكن انـا مانـي بخبـلٍ ولا مجنـون****اجي وقطع ارزاق الضعوف المساكيني

والامر ودهلني علي للرجـال اديـون****ومليـون واحـد مايسـدد دياييـنـي

الاياحمام الورق يااللي تجـر الحـون****تغانم زمانك بيـن خضـر البساتينـي

تراها لا ركبت كل جمره على الغليـون****وراد الله انه يصفي الماء من الطينـي

حشرنا الضباء بقرون والابدون اقرون****اقرون الظبي تصلى على النار وتلينـي

مثل ماوطى هامان والاوطى فرعـون****ثياب الشـرف ماتستـر الاالشريفينـي

ياالاجواد مدت للمواهب اكفوف العـون****وهاذي صفاتٍ من صفـات الكريمينـي

والاقزام تهدم كل ماأهل الكرم يبنـون****اصروحٍ من الامجاد ماهي من الطينـي

بنتها الكفوف اللي كرمها سحاب امزون****ارموز البطوله نصرة الحـق والدينـي

غضبهم وأنا سلطان يهتز منه الكـون****وكرمهم تربع فيـه حتـى البعارينـي

اجبالٍ قممها فوق والها حجا وركـون****اليا مر طاريها على الـراس والعينـي

بطولـه عربيـه وتاريخهـا مصيـون****عـن الاستهانـه باالقيـم والقوانينـي

واليامن لحقني من زماني جفا وغبون****تذكرتهم ومسيـت فـي راس علينـي

عساالله يهونها على الناس لين اتهون****وتزين القرايه فـوق روس المجانينـي

اضعاف العقول اللي تهبد على مالـون****علـى كـل ملـواحٍ تهـز الجناحينـي

ماتنظف يديهم لو تغسل من الصابـون****كثر ماتقدمها علـى الزيـن والشينـي

لشاعر العرب / سلطان الهاجري

[قبلاااان المظيبري]

اضعاف العقول اللي تهبد على مالـون****علـى كـل ملـواحٍ تهـز الجناحينـي


قصيده ومعناها كبير ولاهنت على النقل .. يابدور


تقبل مروري ......

[مهدي الخضيري]

شاعر محسوب ورائع ومتالق للغايه صح الله لسانه

ولاهنت اخوي العزيز على هذا الاختيار الجميل

لك مني جزيل الشكر والتقدير

[بدر حيي]

مشكورين اخوه على المرور الرايع

[نزف الحنان]

أأأأأأبياااااات رائعه تسلم أخوي بدر نقل جميل يعطيك ااالعاافيه

[بنت ابوها]

قصيده جميله

مشكووووووووووراخوي بدر